ye jafa-e-gham ka chara vo najat-e-dil ka aalam – Faiz Ahmad Faiz

ye jafa-e-gham ka chara vo najat-e-dil ka aalam
tira husn dast-e-isa tiri yaad ru-e-maryam

dil o jaañ fida-e-rahe kabhi aa ke dekh hamdam
sar-e-ku-e-dil-figarañ shab-e-arzu ka aalam

tiri diid se siva hai tire shauq meñ baharañ
vo chaman jahañ giri hai tire gesuoñ ki shabnam

ye ajab qayamateñ haiñ tire rahguzar meñ guzarañ
na hua ki mar miTeñ ham na hua ki ji uTheñ ham

lo suni ga.i hamari yuuñ phire haiñ din ki phir se
vahi gosha-e-qafas hai vahi fasl-e-gul ka matam

Leave a Reply

Your email address will not be published. Required fields are marked *